Stekkjargata 25

Til sölu er búseturéttur að Stekkjargötu 25 í Njarðvík. Um er að ræða fallegt bjart og rúmgott endaparhús byggðu árið 2006, snyrtileg og falleg eign sem fengið hefur gott viðhald. Íbúðin er 105 fm og skiptist í forstofu, eldhús, stofu, sólstofu, þrjú herbergi, baðherbergi og þvottahús. Bílskúr er 30 fm með góðu millilofti.

Búið er að setja pall fyrir framan og aftan hús og heitan pott. Ný tæki eru í eldhúsi, ofn og helluborð. Eldhúsgólf er flísalagt og á milli skápa. Á baðherbergi er ný innrétting og skápur, nýr vaskur og blöndunartæki. Einnig eru ný blöndunartæki og vaskur í þvottahúsi ásamt vaskborði. Rúllugardínur eru í öllum gluggum og er íbúðin nýlega máluð. Á bílskúrsgólfi er epoxi. Búið er að setja upp hleðslutengil.

Ásett verð búseturéttarins er kr.34.900.000 og mánaðarlegt búsetugjald miðað við 1.desember er kr.235.253.

Innifalið í mánaðarlegu búsetugjaldi er afborgun skuldabréfa, fasteigna- og holræsagjöld, tryggingar, rekstur húsfélags, viðhaldssjóður og þjónustugjald.

Þeir sem hafa áhuga á að skoða eignina og/eða gera tilboð í búseturéttinn, vinsamlegast hafið samband við skrifstofu Búmanna í síma 552-5644 eða í gegnum netfangið [email protected]